Gobierno Vasco

INTRANETA

Atal hau, soilik, irakasleentzat dago erabilgarri.

XXV. BEASAIN IDAZLEHIAKETAN IKASLE SARITUAK

Martxoaren 1ean, igandean, eguerdiko 12:00etan XXV. Beasain Idazlehiaketako sari banaketa egin da Igartzan. Bertan sarituek, sariak jasotzeaz gain, hainbat bertso eta irakurketa eskaini dituzte.

Sarituen artean gure ikastetxeko ikasle ugari izan dira (Irati Ricon, Itziar Orbegozo, Iñigo Perez, Oier Begiristain, Itziar Mendia, Maddi Aiestaran, Naia Aiestaran, Izaro Arrondo, Haritz Mendia, Nahia Izagirre eta Ihintza Arrondo) eta horietako batzuk, gainera, atal batean baino gehiagotan jaso dituzte sariak.

 

Zorionak irabazle guztioi eta jarraitu horrelaxe hitzekin jolasean!



Comenius: Aurkezpen eguna eta bisita batzuk

Gaur izan da laneko lehen eguna Comenius programako partaideentzat. Alemania, Kroazia, Finlandia, Polonia eta Turkiako lagunak elkartu dira gure ikasleekin goizean Igartza Jauregian. Talde guztiek euren aurkezpenak egin dituzte. Ondoren Igartzako multzoko bisita egin dute eta azkenik, gure talde batek HDR argazkilaritzako programaren inguruko kurtsoa eman du.

 Hau guztiaren ondoren partaideek eguna libre izan dute euren familia eta lagunekin pasatu ahal izateko.

Comenius: gure lagunak hemen daude

 

Capture the World in a Photo proiektuko partaideak iritsi dira. Egunean zehar ailegatu ziren eta denok elkarrekin iritsi dira Beasainera non gure ikasleak eta euren familiak haien zain zeuden tren geltokian.

Ikasleak euren familiekin joan ziren eta irakasleek afari ofiziala zuten. Bihar hasiko dira ekintzak Igartza Jauregian.

Azken ekintzak eta...agur Turkia!

Gure azken eguna Turkian iritsi zen. Eskolan hainbat ekintza egin ondoren, ikasle eta irakaslean presa bat bisitatu zuten eta elkarrekin bazkaldu zuten zonalde hartan Elazigera itzuli aurretik. Iluntzean agurreko ospakizunak izan zituzten eta afaldu ondoren ziurtagiriak banatu ziren. Momentu emotiboak izan ziren bagenekielako gure lagunak utziko genituzkela. Espero dugu berriz ikustea datorren ikasturtearen amaieran Euskal Herria bisitatzen dutenean. Era guztietan, distantzia handiak izan arren, haiek beti izango dute toki bat gure bihotzetan.   

 

Erasmus+: eta lan apur bat

 


Gaur hasi gara eguna institutuan. Lehenengo ekintza, eskolen aurkezpena zen eta hor egon dira gure ikasleak, gure institutuak eta ingurugiroaren inguruan egiten diren ekintzak aurkezten. Denbora gutxi izan dute beste taldeek denbora gehiegi izan dutelako, baina era dotorean bukatu dute aurresku bat dantzatuz.

Eguerdian ikusi eta praktikatu ditugu bertako folklorea eta denok elkarrekin bazkaldu ondoren bisita interesgarri bat egitera joan gara Harput hirian. Ondoren Elazigera itzuli gara.

 

 

Erasmus+ Bisitak egiteko eguna

Gaur gure taldea Elazig hiriko inguruetatik ibili da. Goizean institutuan elkartu ondoren Sivricera abiatu dira eta bertan ferri batean paseotxo bat egin dute. Ondoren Hazar Baba'ya hareket eski estazioara joan dira eta bertan elurra dastatzeko aukera izan dute.

Gure bisita prentsa lokalean islatu da ere, esteka honetan ikus daiteken moduan

 

ERRESPETUZKO KOMUNIKAZIOA

Otsailaren 23an, Nerea Mendizabal psikopedagogoak  Marshall Rosenberg-en teorian  oinarrituz, “Errespetuzko komunikazioa”ren inguruko hitzaldia eskeini zuen gurasoentzat Loinazpe egoitzan. Guraso eta seme-alaben arteko harremanak eta komunikazioa hobetzeko bide berriez aritu zen: konexioa eta sintonia.



Erasmus+ Lehenengo ekintzak

Azkenik, bidai luze baten ondoren, gure taldea bere Elazigeko helmugara iritsi zen. Atsedena hartzeko denborik gabe, institutura joan ginen non zuzendariaren eta irakas talearen harrera jaso genuen. Gure ikasleak azkenean ezagutu zituzten euren lagunak eta, eguerdian, talde bakoitzak ekintza honetarako espreski plantaturiko zuhaitz bat aukeratu zuen.

Arratsaldean gure ikasleak euren familiekin joan ziren eta irakasleok lan instituzionalarekin jarraitu ginen: harrera hezkuntza delegaritzan eta, ondoren, udaletxean. Badirudi dena ondo hasi dela; bihartik aurrera irteerak eta baita lan apur bat izango dugu.

Erasmus+ martxan dago

 

Gure lehenengo bidaia hasi da: oraingo honetan Turkiara goaz, Elazig hirira; bertan gure lagun Turkiar, Poloniar eta Eslobeniarrekin elkartuko gara. Italiarrak azkenik ez dira gurekin elkartuko. Lau eguneko programa dugu eta espero dugu egun zoragarri batzuk gure lagunekin ematea.

 

 

 

ESKOLA KIROLA

Loinazpeko neska/mutil infantilak

 

EUSKADIKO CROSS TXAPELDUNAK

 


DBH3koak LEGORRETAKO ARAZTEGIAN

Pasadan otsailak 9 eta 11an Legorretako araztegira DBH 3ko ikasleekin eginiko irteeran,  ur zikinen arazketa nola burutzen den ikusi genuen; modu honetan DBH 1ean hasitako uraren azterketa bukatu genuen.


IÑAUTERIAK

Ostegun gizen ospatzeko asmoz torradak egin ditugu ikasle talde batekin.


DBH Aurrematrikula 2015-2016

 

Otsailaren 2tik otsailaren 13ra

 

 

Zumarragako ospitalera bisita

Otsailaren 27an bigarren batxilergoko Anatomiako ikasleak Zumarragako Ospitalean egon ginen. Bisitak 2 ordu eta erdiak iraun zituen eta oso interesgarria iruditu zitzaigun.

Ondorengo lekuak bisitatu genituen: Farmazia, Anatomia patologikoa, Barne Medikuntza solairua, Erradiologia eta Urgentziak. Arlo bakoitzeko  arduradun batek azaldu zigun beraien egitekoa eta lan metodoa.

 

 

ZIBER-MANAGER PROIEKTUA

Ziber-Manager proiektua martxan jarri dugu aurten institutuan eta DBH3ko ikasleak sare sozialen inguruan formatu ditu Iratxe Esnaola Deustuko irakasleak. Hauetatik 45 ikasle manager gisa lanean aritu dira formakuntza espezifikoa jaso ondoren eta DBH1 eta DBH2ko ikasgela guztietara sartu dira ikasleak gertutasun ikuspegi batetik sare sozialetan formatuz.

 

Bestetik gurasoekin ere formakuntza saioak egin dira Iratxe Esnaolaren eskutik eta manager talde bana bertan egon da haien esperientzia kontatuz.


KONTSUMOKO TAILERRAK


                                      

Aste honetan DBH1eko ikasleek, Kontsumobidek eskeinita, 2 tailer egin dituzte. Kontuan hartuta aurtengo EA21eko gaia “Elikadura osasungarria eta jasangarria”  dela , ondoko bi tailer hauek aukeratu genituen: 

·         Estetika eta elikadura: gorputzaren gurtza.

Tailerraren helburua : Osasunerako arriskuak ekar ditzakeen gorputz-irudi jakin bat lortzeko eraginen menpe ez erortzeko, elikatzeko ohitura osasungarriak hartzea. 

 

·         Elikagaien manipulazio segurua. 

Tailerraren helburua: Elikagaiak erostean, manipulatzean eta kontserbatzean zure osasuna babesteko aukera emango dizuten ezinbesteko gaitasunak lortzea. 

 

 

LOINAZPEKO IKASLEAK EUSKADI GAZTEAN

Abenduaren 17an, asteazkenean, DBH 3ko ikasleek, GAZTEA irratiko kazetaria  den OIHAN VEGAren emanaldia izan zuten Ikastetxean. Ekitaldi horren ondoren, abenduaren 20an, larunbatean, hainbat ikaslek, EUSKADI GAZTEA bisitatu eta irratsaioan parte hartzeko aukera izan zuten.

DBH1 eta DBH2koen opor aurreko irteerak

Abenduaren 23an DBH1 eta DBH2koek oinezko irteera egin zuten.

               DBH1ekoak  ATAUNa 

 

 

          DBH2koak ARAMAra 
     
                      

Eguberri Jai Zoriontsuak eta Urte Berri On!

 

 

OPOR ZORIONTSUAK ETA URTE BERRI ON!

EA21eko batzordeak opor egun hauetan ospakizun zoriontsu eta jasangarriak izan ditzazuen opa dizue.

Helbide honetan elikadura jasangarriko informazioa duzue

http://www.wwf.es/que_hacemos/agua_y_agricultura/nuestras_soluciones/proyecto_livewell


Garazi GOIAren hitzaldia izan dugu.

Seguran jaioa, Telekomunikazio Ingeniaritza ikasketak egin zituen EHUn.

2007az geroztik, BBCn dihardu, Londresen. “BBC Hedakuntza” departamentuaren Zuzendaria da, dibisio Estrategiko eta Digitalean. Bere lan-taldeak banatzen ditu BBCren telebista eta irrati kanalak. Erresuma Batuko telebista plataforma nagusienekin harreman komertzialen eta estrategikoen arduraduna da. Era berean, estrategiari eta telebistaren etorkizunari buruz Europako erakunde ezberdinetan (Europako Kontseilua, Europako Telebisten Elkartea…) egiten diren eztabaida eta bileretan parte hartze aktiboa du.

Adierazi zuen ideia nagusia ondokoa izan zen: ikuspegi irekiagoa izatea garrantzitsua da, mundura zabaldua dagoen gizartea izan behar dugu. Eta ikasketei begira hiru aholku:

  • Gustukoa duzuna ikasi eta ikasten duzun horretan PASIOA jarri.
  • Erreferentziak emango dizkizun norbait izan inguruan; aholkuak emango dizkizuna, erronkak planteatuko dizkizuna…
  • Jendea ezagutu behar duzu, esperientzia duen jendea, euren ideia onak aprobetxatu behar dituzu.

OIHAN VEGA LOINAZPEN DBH 3ko IKASLEEKIN

Abenduaren 17an, asteazkenean, DBH 3ko ikasleek, GAZTEA irratiko kazetaria  den OIHAN VEGAk ikastetxean eskaini zituen bi  emanaldietan parte hartu zuten. Saio horietan Euskarak komunikabideetan duen  erabilearen inguruko hausnarketa egiteaz gain, irrtsaioen prestaketa nola egiten duten eta disko festak nola antolatzen dituzten ere ikusi ahal izan zuten.

Saioak benetan interesgarriak eta entretenigarriak izan ziren.

ORIENTAZIO JARDUNALDIAK (2014-2015)

Urteroko Orientazio programaren barnean, batxilergoko 2. mailako ikasleei eta euren gurasoei zuzenduriko jardunaldiak antolatzen ditugu. Hauen helburua ikasleek etorkizunean burutu ahal izango dituzten ikasketei buruzko informazio argia eta zabala eskaintzea da. Zortzi saiao izango dira unibertsitateko irakasleek emango dituztenak, astelehenetik ostegunera.

 Programa osoa

 Abenduak 11, arratsaldeko 18:30ean, areto nagusian, Isabel Elorza, Euskal Herriko Unibertsitateko Gipuzkoako Kanpuseko Euskara, kalitatea eta Hezkuntza Akademikakoo Zuzendariaren azalpena. Bertan, unibertsitatera sartzeko baldintzaz, araudiaz, etab, informazio zabala emango da.

 Triptikoa

 

Etorkinaren Nazioarteko eguna

EA 21 ETA  ETORKINEN NAZIOARTEKO EGUNA

 

DH3ko  EA 21eko ordezkariek eta ikasleek, etorkinen egunerako, munduko janari ezberdinen lana egin dute.

 

 

 

     
 

Etorkin diren edo ez diren herritar guztiei  honako gogoeta hau helarazi nahi diet: “Etorkin direnek zenbat eta gehiago murgiltzen diren hartzen dituzten herrialdearen kulturan, orduan eta eragin handiagoa izango dute herri horretako kulturan.  Eta, bestalde, etorkin direnek zenbat eta argiago edo nabarmenago ikusten duten euren jatorrizko kultura errespetatu egiten dela hartu dituen herrialdean, orduan eta ahalegin handiagoa egingo dute herrialde horretako kulturan barneratzeko”.

 

“Identidades asesinas” , Amin Maalouf

"KALITATEA TOPERA" kanpaina

Abenduaren 11an, EA21 programaren  barruan, 2. Batxilerreko Biologiako ikasleekin irteera egin genuen Zaldibira.

Jarduera hau landa eta itsas eremua bultzatzeko Eusko Jaurlaritzak sortu duen HAZI korporazioak antolatutakoa zen eta Zaldibin 2 leku bisitatu genituen. Lehenik,  Euskaber enpresa eta han Eusko labela duten Euskal Baserriko Arrautzak nola ekoiztu, ontziratu eta merkaturatzen diren ezagutu genuen .Ondoren, Eusko label haragia ekoizten duen  behi ikuilu bat bisitatu genuen.

 

 

EA21ko aurtengo gaia “Elikadura jasangarria” izanik irteera honen helburua Euskal herriko kalitatezko produktuen ezaguera sustatzea eta geroko kontsumitzaile arduratsuak sortzea zen. Gainera eta Biologiako ikasleak izanik gaian ikasitakoa praktikan ikustea ere lortu dugu.

ISABEL ELORZAren hitzaldia. EHU

Gipuzkoako Kanpuseko Euskara, kalitatea, eta Hezkuntza Akademikoko Zuzendaria

Abenduaren 11n, Isabel ELORZAren hitzaldia izan dugu. Bertan, ondoko gaiak landu ditu:

·        EHUren ezaugarriak

·        Antolakuntza

·        Ikasketa eskaintza

·        Sarbidea eta onarpena

·        Tasak eta bekak

·        Orientazio jarduerak

 Hitzaldi oso arrakastatsua izan zen eta parte hartzaileek, guraso eta ikasleek, euren informazio-beharrak asetzeko eta zalantzak argitzeko aukera izan zuten.

Topaketa puntako ikertzaileekin

Donostia International Physics Center-rek (DIPC-k) top@DIPC - Zientziarekin solasean! topaketaren VI. edizioan parte hartu dute  institutuko ikasleek. Puntako ikertzaileen, eta bigarren hezkuntzako eta batxilergoko ikasleen arteko topaketa da, ikertzaile gonbidatuek zientziarekiko eta ikerkuntzarekiko grinari buruz hitz egin zuten eta beren lanari eta esperientziari buruzko galderak erantzun zituzten. Aurtengo topaketan Albert Fert,  Fisikako Nobel Sariduna (2007) eta Elena Cattaneo, Italiar errepublikako Zientzia Saria Medikuntzan eta Urrezko Domina (2001) izan dira.

 

Irteera Iruñeko planetariora

 

MGZ (Mundu Garaikiderako Zientziak) ikasgaiak antolatuta, abenduaren 4ean, Batxilergoko lehenengo mailako ikasle guztiak, DBH 4Fkoak eta ZIGeko ikasleak Iruñeko Planetarioan izan dira.  Bertan unibertsoaren sorrera eta eboluzioa, eta espezieen eboluzioari buruzko ikus-entzunezko zoragarria ikusi dute. Ondoren, gau horretan zeruan ikusgai diren konstelazioak eta planetak ikasi dituzte.

BERDINTASUN FOROA

DBH2ko ikasle guztiek EMAKUNDEk antolatutako BERDINTASUN FOROan parte hartu dute herriz herri dabilen autobus ibiltarian.


DBH2KOAK MUTRIKURA IRTEERA

Azaroak 28, abenduak 3 eta abenduak 5ean, Natur Zientzietako mintegiak antolatutako irteera burutu zen Mutrikura 2DBHko ikasleekin.

 

Mutriku, Euskal Kostaldeko Geoparkearen barruan dagoen kostaldeko herria izanik, bertako Flysch a ikusi genuen, azken 110 milioi urtetako historia bio-geologikoia nola interpretatu daitekeen azaldu ziguten. Horretaz gain, munduko lehen planta.


Euskararen Eguna

 

Euskararen Eguna

"NOLAKO TXORIA HALAKO KABIA" BIRZIKLAPEN KANPAINA 4. DBHn

Aurten ere, Sasieta Mankomunitateak kanpaina berri bat antolatuko du modu egokian sailkatzearen garrantziaz jabetzeko eta eskola komunitateak dituen zalantzak argitzeko.

Gainera tailer honen bidez, ikastetxeetan birizklapena eta bereziki bilketa lerro horia landu nahi dira. Horretarako Azaroaren 24, 25 eta 26an ikastetxean ordu eta erdiko tailerra burutu dute 4. DBHko ikasleekin.

Ondoko hauek dira tailerraren edukiak:

 

GAURKO GIZARTE EREDUA JASANGARRIA OTE?

  • Kontsumoa
  • Publizitatea
  • Lehengaien jatorria

EREDU ALDAKETA BATEN BEHARRA

  • Hondakinen 3 gako garrantzitsuak.
  • Ondo birziklatzen al dugu?
  • Bilketa lerro horia-zalantzen lerroa
  • Puntu Berdea
  • Produktu berrien sorrera
 

Honela laburtu dute  4. mailako 2 ikaslek (Lierni Ricón eta Clara Schmidt) tailer honetan  landutakoa:

 “ Azalpenak hiru zati izan ditu eta hirurak ere oso ondo egon dira. Lehenengoan guri interesgarriena iruditu zaiguna merchadising teknikarena izan da, hau da, enpresa handiek nola manipulatzen gaituzten gehiago erosteko. Bigarrean, publizitateari buruz hitz egin dugu eta taldeka zenbait kartel aztertu ditugu. Azkeneko zatian berriz, birziklapenari buruz ariketa bat egin dugu eta kontenedore bakoitzean zer sartu behar den errepasatu dugu. Hiru zati hauen bidez zaborraren eraketa murrizteko gakoak zein diren esplikatu nahi izan digu: kontsumoa eta, beraz, sorteen dugun zabor kopurua murriztea, berrerabiltzea eta, azkenik, birziklatzea. Gure iritziz oso interesgarria izan da.”

IRTEERA BIODONOSTIARA

Azaroaren 24an Batxilerreko 2. mailako  Biologiako ikasleek BIODONOSTIAra bisita egin zuten.  Bertan egiten diren ikerketen  berri  izan  zuten:  zelula amak, minbizia, Parkinsona, besteak beste . Gainera, laborategiak ikusteko aukera ere izan  zuten; hain zuzen, genomikan, zelulen hazkuntzan eta birologian ikertzeko erabiltzen dituzten teknikak eta tresnak ikusi ahal izan zituzten.  Oso interesgarria izan zen;  izan ere, BioDonostia ereduzko zentroa  da nazio-mailan zein nazioartean egiten den ikerketa sanitarioan.  

Ingurumen adierazleen bilakaera

 

Kontsumo nagusienen jarraipena 2013-2014 ikasturtea

Ikastetxeko jarduera dela eta, ingurumenean eragina sortarazten duten aspektu garrantzitsuenak kantitate handiko materialen kontsumoak dira.

Kontsumo horien kantitatea ahal den txikiena izatea da gure helburu nagusienetako bat eta hori lortzeko jarraibideak ezarrita dauzkagu. Horrez gain, kontsumo horien bilakaeraren etengabeko jarraipena egiten dugu eta igoeren edo jaitsieren arrazoiak aztertzen ditugu, behar izanez gero neurri zuzentzaileak ezartzeko.

Txosten honen grafikoetan konparatzen dira azken hiru ikasturteetako datuak...(gehiago irakurri)

ESKOLA JASANGARRIAren ziurtagiria

 

Joan zen asteazkenean, Azaroaren 5ean, Beasain Institutuak Eskola Jasangarriaren ziurtagiria jaso zuen Lehendakaria eta Hezkuntza eta Ingurumen sailburuen eskutik.

Ziurtagiri hori 2009-2010 ikasturtean lortu genuen lehenengoz  eta iaz berritzea egokitu zitzaigun.

Sari banaketa hau Donostiako Kursaal Jauregian ospatu zen, Ingurugelen 25. Urteurrena ospatzeko burututako ekitaldian.Bertan, Ingurumen hezkuntzari buruzko atzera begirada egin zen, mundu jasangarriagoaren alde lan egiten duten persona, ikastetxe, udal eta gertaeren errepasoa egin zen.

Gu ere mundu jasangarriago hori lortzeko ahaleginean egiten dugun aportazioaz harro sentitzen gara eta aurrerantzean ere horretan jarraitzeko gure asmoa eta konpromisoa adierazi nahi dugu.

 

 

DBH 1eko ikasleak OÑATIN

Urriaren 27an ,28an eta 30ean, DBH 1eko ikasleak  Oñatin izan ziren Arrikrutz-Oñatiko kobak ezagutzen. Ondoren, berriz, Arantzura egin zuten bisita.

DBH 2ko ikasleak PETER ROBERSEN emanaldian

Urriaren 28an, asteartean, DBH 2ko ikasleek PETER ROBERSEN mimo emanaldia izan zuten.

Biologia-Geologia irteera Arantzazura

Urriaren 20an eta 21ean, DBH 4. mailako Biologia-Geologia duten ikasleok modelatu karstikoa aztertzeko irteera egin genuen.

Goizeko bederatzietan Oñatira ailegatu ginen eta Natur Eskolako monitoreekin batera Arantzazura abiatu ginen eta han hasi zen gure ibilaldia.

Ibaira jaitsi ginen eta, lurpeko uren sorgunea ikusita, Gezaltza kobazulora joan eta lurpeko urek kareharrian eragindako galeriak, aretoak, estalaktitak, estalagmitak eta zutabeak ikusteko aukera izan genuen.

21ean kobazuloaren barruan sagu-zahar pare bat ikusi genuen eta builak atera gabe ibili ginen animali hauek ez izutzeko.

Dudarik gabe, irteera hau gure inguruko kareharrizko mendien barne egiturak hobeto ezagutzeko oso baliagarria izan da.

 Argazkiak Alizia Barriocanalek egindakoak dira.

 

DBH 3ko IKASLEAK IPARRALDEAN

Urriaren 23an DBH3ko ikasleak Iparraldean izan ziren eguna igarotzen. Eguraldi ederra lagun izanik, goizeko 10:30etarako Bernard Etxepareren, lehen euskal liburu inprimatuaren egilearen, herrian izan ziren, bertako eliza bisitatuz. Ondoren, Donibane Garaziko ertaroko alde zaharra bisitatuz, bazkaria egin zuten. Itzulera Ibañetako Errolanen harria eta Orreagako monastegia ezagutuz, burutu zuten. Autobus orduak luzeegiak izan baziren ere, merezi izan zuen haraino joatea, ikasleak oso ondo portatu baitziren, egun paregabea igaroz.

GASTEIZERA BISITAN: LEGEBILTZARRA ETA ARARTEKOA

2014ko urriaren 14ean, Zuzenbidea ikasgaia dugun 1. eta 2. batxilergoko ikasleok Gasteiza bidaiatu genuen. Bertan Eusko Legebiltzarra bisitatu, Arartekoaren egoitza nagusian egon eta Arartekoa den, Iñigo Lamarcarekin elkartu eta elkarrizketa bat izateko aukera izan genuen.

 Informazio gehiago

 

DBH 1eko ikasleak AROTZENEAN

Urtero bezala, ikasturteari hasiera emateko, DBH 1eko ikasleak, irailaren 29tik urriaren 2ra, bi txandatan banaturik,  AROTZENEAN egon ziren.

Comenius: buelta prestatzen.

Comenius programan parte hartzen duten partaideen azken eguna argazkilaritzako museo bat eta parte hartu duten herrien erakusketa bisitatzera dedikatu da. Egun gutxi izan dira, baina intentsitate handikoak.

 Hurrengo bilera Beasainen izango da, Otsailean.

 

 

 

Elkartrukearen amaiera

Gaur gure zonaldeko elkartrukeko azken ekintzak ospatu dira. Goizean partehartzaile guaztian Loinazpen elkartu dira Holandan apirilean aurkeztuko dituzten mintegietan lan egiteko. Ondoren hamaiketakoa hartu dute denok elkarrekin eta Apirilean Groningenen ikusi arte agurtu ditugu.

 

 

Historiako irteera

 2. BCD
 2. EFG
 

Batxilergo eleanitzeko 2. mailako ikasleek irteera txiki bat egin zuten Senperera, gure artean gertaturiko gertakari historikoen berri izateko: Independentzia Gerrako Senpereko bataila gogoratzeko eraiki zen monumentua bisitatu zuten.

DBH1eko ikasleak AROTZENEARA irteera

 

 

1B, 1E, 1F  eta  1H  taldeak  irailaren 29tik  urriaren 1era

 

 

1A, 1C, 1D  eta  1G  taldeak  urriaren 1etik  urriaren 3ra

 

Ingurumen aspektuen jarraipena

Txosten honen grafikoetan konparatzen dira iraila-maiatza periodoko azken hiru ikasturteetako datuak, bai kontsumo totalenak baita kontsumo erlatiboenak ere. Elektrizitatearen kasuan kontsumoa konparatzen da aste batean erabiltzen diren ikasgela kopuruarekiko, eta uraren eta fotokopien kasuan ikasle kopuruarekiko.

 

 

Ikusi txostena

 

Edukien helbidetegia

Atari honetan ikasgai desberdinetan erabilgarri izan daitezkeen helbideak aurkitu ahal izango dituzu. Pixkanaka betez joango gara.

© BIP Beasain Institutu Publikoa
Telefono: 943880753 | Telefono: 943882644 | beasainip@beasainip.net