Sexu heziketa 2013

10/05/2013

Maiatzaren 6tik 10era DBH2 eta 3ko ikasleek SEXU HEZIKETA ikastaroa izan dute. Hori aprobetxatuz Maiatzaren 9an gurasoekin ere gai honen inguruko hitzaldiak izan dira Loinazpe egoitzan.

IKUS ARGAZKIAK

Institutuko antzerki taldeak Taularatzearen Kalitatearen Saria lortu du

Institutuko antzeki taldeak Erkidegoko Taularatze Kalitatearen Saria lortu du Coca Cola Fundazioak antolatutako Buero Antzerki Gazteen Sarietan.

Zorionak!

Zumarragako ospitalera bisita

Apirilaren 26an bigarren batxilergoko Anatomiako ikasleak Zumarragako Ospitalean egon ginen. Bisitak 3 ordu iraun zuen eta oso interesgarria iruditu zitzaigun.

Ondorengo lekuak bisitatu genituen: Urgentziak, Laborategia, Anatomia patologikoa, Erditze gunea, Erradiologia, Ebakuntza-gelak eta Pediatria. Arlo bakoitzeko arduradun batek azaldu zigun beraien egitekoa eta lan metodoa.

Hamaiketako osasuntsua

Apirilaren 25ean atsedenaldian Txindoki egoitzako patioan Biologia-Geologiako ikasleek hamaiketako osasuntsua prestatu zuten ikasle eta irakasle guztientzat. Horren helburua elikadurak osasunean duen garrantzia gogoraraztea da.

Belaunaldien Arteko Elkartasuneko Nazioarteko Eguna

Elkartrukearen amaiera

Gure aurtengo elkartrukea bukatu da. Ostiralean institutuan elkartu ginen gure lagun holandesekin eta, gosaria hartu ondoren, autobusean sartu ginen gure bidea egiteko. Pentsatutakoa baino zerbait luzeagoa izan da baina hemen gaude berriro, izandako esperientzia gure ondokoekin konpartitzeko asmoz.

Beasaingo Udal Foroa

Apirilaren 23an Udal foroa ospatu da, udaletxean. Bertan, ikastetxe ezberdinetako ikasleek herriko diagnostikoan ateratako konpromiso eta proposamenak azaldu dituzte. Ondoren, alkateak eta zinegotzi batek ikasleek, egindako proposamenei erantzun egin diete.

Beste gauza batzuen artean Beasaingo bidegorria datorren urterako osatzeko asmoa aipatu dute eta baita argiztapenaren inguruan, 2013-2015 urteetarako martxan jarri duten plana ere.

Laburtuz, zera esan zuen, ikasleok proposatutako konpromisoak bete eta udalak agindutakoak aurrera eraman ezkero, guztion artean eta epe motzean, herri jasangarriagoa lortuko dugula.

Egindako proposamenak eta udalak emandako erantzunak ondoko dokumentuan dituzue

FLYSCH de Zumaia

Apirilaren 12an 1. batxilergoko Biologia-Geologiako ikasle eta irakasleek irteera egin genuen Zumaiako flysch-a ikusi eta marea arteko zabalgunearen ezaugarri garrantzitsuenak ezagutzera.

Bertako harrien historia ezagutu eta dinosauroak desagerrarazi zituen meteoritoren hautsak utzitako geruza ikusi genuen.

Bestalde, itsas behera zegoenean izan ginenez, marea arteko zabalgune handia agerian zegoen. Horri esker, marea arteko bizidun asko ikusi eta identifikatzeko aukera izan genuen, hala nola, olagarroa, aktiniak, anemonak, , holoturiak, karramarroak… Hala ere, arreta gehiena jaso zuena olagarroa izan zen, baina hainbeste jende ikusi zuenean izkutatu eta kitto gure poza.

Irteera oso interesgarria izan zen eta ikasleen jakin mina pizteko eta ikasgelan ikasitakoa ikusteko balio izan zuen.

Eguraldia ere primerakoa egin zuenez, egun polita pasa genuen.